Қашқадарё вилоятида кучли ёмғир оқибатида ҳосил бўлган сел оқими оқибатида 5 нафар киши ҳалок бўлди, деб хабар қилди ФВВ матбуот хизмати.
«Қашқадарё вилояти Чироқчи тумани «Мирзатук» ва «Сариққамиш» аҳоли пунктларида 16 май куни соат 6-30 бўлган кучли ёмғир оқибатида ҳосил бўлган сел оқими 5 нафар кишининг ҳаётига зомин бўлди», — дейилган хабарда.
Эслатиб ўтамиз, бундан аввал ФВВ томонидан 12-17 май кунлари республиканинг тоғ ва тоғолди ҳудудларида сел келиши хавфи ҳақида огоҳлантирилганди.