Тошкент шаҳар ҳокимлиги кириб келаётган қутлуғ Рамазон ойи билан қутлади

Ўзбекистон 15 май 12:47 353

МУБОРАК РАМАЗОН ОЙИНИ МУНОСИБ ҚАРШИ ОЛАМИЗ

Тошкент шаҳар ҳокимлиги кириб келаётган қутлуғ Рамазон ойи муносабати билан пойтахтимиз аҳолиси ва меҳмонларини муборакбод этади ҳамда уларнинг хонадонига қут-барака, оилавий сиҳат-саломатлик тилайди.

Ушбу ойни барчамиз муносиб кутиб олишимиз ва гўзал тарзда ўтказишимиз лозим бўлади. Бунинг учун энг аввало муносиб тайёргарлик кўришимиз, поклик, тозалик ва энг аввало бир биримиз билан яхши муносабатда бўлмоғимиз зарурдир. Зеро ушбу ойда барча тилакларимиз ушалади.

Бугун пойтахтимизда кенг бунёдкорлик ишлари жадал суратларда олиб борилмоқда, бу билан бир қаторда ободонлаштириш ва кўкаламзорлаштириш ишлари ҳам кенг қулоч ёзмоқда. Шу муносабат билан қутлуғ Рамазон ойини муносиб қаршилаш учун энг аввало ўз хонадонларимиз олдини тоза-озода сақлашимиз, табаррук қадамжолар, қабристонларимизни зиёрат қилиб, ўтганларимизни руҳларига дуолар қилишимиз ва қабристонларни пок ва озода бўлишини таъминлашимиз лозим. Ўтганларимизни эслаш, қабристонларимизни доим озода сақлаш каби анъаналаримизни фарзандларимизга ўргатиб борайлик. Ана шундагина қутлуғ Рамазон ойини ҳотиржам ўтказишимизга замин яратган бўламиз.

Яна бир бор қутлуғ Рамазон ойи барчангизга муборак бўлсин!

Тошкент шаҳар ҳокимлиги

Ахборот хизмати