37525

Ўзмиллийбанк Туркия Эксимбанки билан кредит битимини имзолади

2018 йил 30 апрель куни Туркия Республикаси президенти Ражаб Тоййиб Эрдўғаннинг Ўзбекистонга давлат ташрифи чоғида Ўзбекистон Республикаси Ташқи иқтисодий фаолият Миллий банки ва «Türk Eximbank» турк экспорт-кредит банки ўртасида 250 миллион АҚШ доллари миқдоридаги асосий кредит битими имзоланди.

Битим билан турк етказиб берувчилари ва пудратчилар иштирокидаги инвестиция лойиҳаларини молиялаштириш учун кредитларни тақдим этиш назарда тутилмоқда.
Шуни таъкидлаш жоизки, ҳар бир лойиҳа бўйича алоҳида қарз битимларини тузмасдан туриб, ўзбек томонининг буюртмалари асосида молиялаштирилади.

Асосий кредит шартномаси имзоланган вақтдан бошлаб кучга кирди.