«Ўзтемирйўлйўловчи» акциядорлик жамияти жорий йилнинг февраль ойидан бошлаб бир қатор халқаро йўналишларда қатнайдиган йўловчи поездлари учун қўшимча қатновларни йўлга қўяди.
«Ўзбекистон темир йўллари» ахборот хизмати хабар беришича, ҳозирги кунда Тошкент-Москва, Тошкент-Уфа ва Андижон-Москва йўналишларида ҳафтада бир маротаба ҳаракатланаётган йўловчи поездлар февраль ойидан бошлаб ҳафтада 2 маротаба ҳаракатлана бошлайди.
Тошкент-Волгоград йўналишидаги йўловчи поезди эса ҳафтада 3 маротаба қатновни амалга оширади.
«Ҳурматли йўловчилар чипталар харид қилишда муаммо ёки ортиқча оворагарчиликка дуч келсангиз «Ўзтемирйўлйўловчи» акциядорлик жамияти ҳудудий темир йўл маълумотхоналарининг телефон рақамлари ёки +99890 9577874 телеграм рақамига мурожаат қилинг», – дейилади хабарда.