АҚШ Миллий хавфсизлик агентлигининг собиқ ходими Эдвард Сноуден ва «Матбуот эркинлиги» америка жамғармаси смартфонни кузатувлардан ҳимоя қилувчи тизимга айлантирувчи янги мобил дастурни тақдим этди.
Мутахассисларнинг фикрича, телефоннинг эгаси қурилмани уйида ёки меҳмонхонадаги хонасида қолдириши керак. Haven ёрдамида қурилма яширин видео ва аудио ёзувни амалга оширади ҳамда уларни ўз эгасига юборади. Дастур қиммат бўлмаган Android смартфонларга ўрнатиш учун мўлжалланган. Бу ҳақда «Hi-tech Mail.ru» хабар берди.
Дастур ёрдамида смартфонга рухсатсиз киришга ёки жосуслик дастурларини ўрнатишга бўлган уринишлардан хабардор бўлиш мумкин.
Сноуденнинг фикрича, дастур фойдаланувчиларга кимдир хонада тинтув ўтказгани ёки эшитиш қурилмаларини ўрнатганини билишга имкон беради. Ушбу дастурнинг номи Haven деб аталади.
