Ўзбекистон ва Афғонистон ўртасида илк маротаба авиақатновлар йўлга қўйилади. Илк рейс чоршанба куни, яъни 29 ноябрда Қобулдан Тошкентга келиб қўнади.
«Ўзбекистон ҳаво йўллари»нинг Аsr.uz`га маълум қилишича, парвозлар Афғонистоннинг Kam Air компанияси томонидан код-шеринг (рейсларни ҳамкорликда эксплуатация қилиш) шартномаси бўйича амалга оширилади.
Икки мамлакат ўртасида авиақатновлар Афғонистон президенти Ашраф Ғанининг Ўзбекистонга ташрифи олдидан йўлга қўйилмоқда. Ашраф Ғани Ўзбекистонга декабр ойи бошларида келиши кутилмоқда.