Ўзбекистон Президенти Шавкат Мирзиёев 7 июндаги қарори (pdf) орқали Ўзбекистон Республикаси Ҳукумати ва Россия Федерацияси Ҳукумати ўртасида ҳудудлараро ҳамкорликка кўмаклашиш тўғрисидаги 2017 йил 5 апрель куни Москва шаҳрида имзоланган битимни тасдиқлади.
Ўзбекистон Республикаси Ташқи ишлар вазирлигига Ўзбекистон Республикаси томонидан мазкур халқаро шартнома кучга кириши учун зарур бўлган давлат ички тартиб-таомиллари бажарилгани тўғрисида Россия томонига тегишли билдиришнома йўллаш юклатилди.