Skype ва Viber мессенжерлари Ўзбекистонда яна ишга тушди. Бу ҳақида «Ўзбектелеком» бош директори Фарход Розиев Тошкентдаги ИНҲА университетида ўтказилган #MITCROADMAP2018 анжуманида маълум қилди.
«Инженерларимиз бир неча кун давомида ишлаб Skype, Viber, WhatsApp ва бошқа дастурларда мавжуд бўлган муаммоларни бартараф қилишди. Энди уларинг ҳаммаси ишга тушди. Фойдаланишингиз мумкин», — деди Розиев.
Эслатиб ўтамиз, Skype мессенжери Ўзбекистонда 2015 йилдан буён ишламаётган эди.