Аввал хабар қилганимиздек, 13 июль тонгида Санкт-Петербург таркибига кирувчи Колпино шаҳридаги метал ангарида умумий майдони 600 кв. м.га тенг бўлган ёнғин юзага келди. Ёнғин қолдиқларини ажратиш пайтида ўт ўчирувчилар томонидан Ўзбекистон фуқаролари деб тахмин қилинаётган 7 та жасад топилган. Айни пайтда маҳаллий ҳукумат томонидан тергов олиб борилмоқда.
ТИВ матбуот хизматининг хабар қилиишича, ТИВ топшириғига биноан воқеанинг бутун тафсилотларини ва ҳалок бўлганларнинг шахсини аниқлаш жараёнида иштирок этиш учун Ўзбекистоннинг Россиядаги элчихонаси вакиллари Москва шаҳридан Санкт-Петербург шаҳрига учиб кетишган.