12273

2 килограмм 851 грамм «марихуана» сақлаган гиёҳванд қўлга олинди

2017 йилнинг 4 июль куни, Бектемир тумани ҳудудида, ички ишлар идоралари ходимлари томонидан ўтказилган “Қора Дори-2017” тадбири давомида, фуқаро Казанцев Денис Абдурахмановичдан полиэтилен пакетга солинган оғирлиги 2 килограмм 851 грамм бўлган «марихуана» гиёҳвандлик воситаси аниқланиб олинган.

Мазкур ҳолат юзасидан Бектемир тумани ИИБ ҳузуридаги Тергов бўлими томонидан Ўзбекистон Республикаси ЖКнинг 276-моддаси 2-қисми “а” банди (гиёҳвандлик воситаларини ўтказиш мақсадини кўзламай, кўп миқдорда қонунга хилоф равишда сақлаш) аломатлари билан жиноят иш қўзғатилган.

Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорликлари текширилмоқда.