Тошкент вилоятининг Бекобод туманига ва Бекобод шаҳрига янги ҳокимлар тайинланди.
19 июнь куни халқ депутатлари Бекобод шаҳар ва туман кенгашида навбатдан ташқари сессия ўтказилган ва унда ташкилий масала кўрилган.
«Asr.uz» манбасининг маълумот беришича, сессияда Зафар Жоруллаевич Файзуллаев Бекобод шаҳри, Отабек Убайдуллаевич Исроилов Бекобод тумани ҳокими этиб тайинланган.
Эслатиб ўтамиз, 2017 йилнинг апрелидан бери туманга ҳокимлик қила бошлаган Туробжон Жўраев ўтган ҳафтада Самарқанд вилояти ҳокими этиб тайинланганди.