Самарқанд вилоятида тўртта йўл-патруль хизмати маскани олиб ташланди. Ўзбекистон президенти Шавкат Мирзиёевнинг парламентга Мурожаатномасида вилоятлардаги барча йўл-патрул постларини тугатиш лозимлигини айтган эди.
Президентнинг мазкур топшириғидан келиб чиқиб, Самарқанд вилоятидаги тўртта йўл-патруль хизмати маскани олиб ташланди.
Булар — Самарқанд шаҳрига киришдаги «Штаб» маскани, Оқдарё ва Иштихон туманлари чегарасидаги «Лойиш» маскани, Пастдарғом туманига киришдаги «Чархин» маскани ва Нарпай туманидаги «Мирбозор» йўл-патруль масканидир.