35338

Қандай ҳолларда фуқаролик ишлари бўйича судга мурожаат қилиш мумкин

Қандай холларда фуқаролик ишлари бўйича судга мурожаат қилиш мумкин.  Фуқаролик ишлари бўйича судга Адлия вазирлиги тақдим этган маълумотларга кўра, қуйида келтириб ўтилган шаклларда мурожаат қилиниши мумкин.

Даъво аризаси шаклида – мурожаат фуқаролик ҳуқуқий муносабатлардан келиб чиқадиган низоларга оид бўлса.
Хусусан:
қарзни ундириш;
мол мулкни олиб бериш;
мулк ҳуқуқини тасдиқлаш ва шу кабилар.

Ариза шаклида – мурожаат буйруқ тартибида иш юритиш, алоҳида тартибда юритиладиган ишлар бўйича бўлса.

Хусусан:
нотариал битимга асосланган ва қарздор томонидан тан олинган қарзни ундириш;
тасдиқловчи ҳужжатларга асосланган коммунал хизматларга оид қарзни ундириш;
мол-мулкни эгасиз деб топиш;
болани фарзандликка олиш.
Илтимоснома шаклида – мурожаат кўрилаётган иш юзасидан судга муайян илтимос ҳақида бўлса. Хусусан:
даъвони таъминлаш чораларини кўриш;

ишни кўришни бошқа кунга қолдириш.

Суд ҳужжатларидан норози бўлиб апелляция, кассация ва назорат инстанцияси судларига мурожаат этганда у шикоят – шаклида, бундай мурожаат прокурор томонидан берилганда эса – протест шаклида бўлиши лозим.