35025

Комил Алламжонов Президент ташрифи учун ташкиллаштирилган кўзбўямачиликлар ҳақида фикр билдирди (видео)

Комил Алламжонов Жиззахдаги корхонада Президент қаршисида кўзбўямачилик қилингани ва «бир кунлик иссиқхоналар» ҳақидаги хабарларга муносабат билдирди. Алламжонов ўз фикрларини Facebook’даги саҳифаси орқали, жонли эфирга чиқиб билдирди.

Эслатиб ўтамиз, Февраль ойида баъзи вилоятларда Ўзбекистон Президентининг ташрифи арафасида «бир кунлик иссиқхоналар» қурилгани, Давлат раҳбарининг вилоятга ташрифи якунига етгач, қўл учида қурилган иссиқхоналар ўз ҳолига ташлаб қўйилгани ҳақида видеохабарлар пайдо бўлган эди.

Алламжоновнинг фикрича, Президент бориб кўрган иссиқхоналарни «бир кунда, биргина ташриф учун барпо этиш мумкин эмас». Айни вақтда, у хабарларда сўз бораётган иссиқхоналар Шавкат Мирзиёевнинг кортежи ўтган йўл ёқасида қурилган бўлиши мумкинлиги, агар улар Президент ташрифидан сўнг қаровсиз ҳолда ташлаб қўйилган ёки бузиб ташланган бўлса, фуқаролардан бу ҳақда далилларни тақдим этишни илтимос қилган. Алламжоновнинг ушбу хабарларга муносабатини батафсил қуйидаги видеолавҳа орқали билиб олишингиз мумкин.