31786

Фарзандини ўзгага бериб кетган аёл қидирилмоқда

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар беришича, Тошкент шаҳрининг Шайхонтоҳур туманида 12 февраль куни соат 14.00ларда осиё миллатига мансуб, 17-20 ёшлардаги номаълум аёл А.Навоий кўчасида жойлашган Марказий дорихона олдида турган Н.Мухторова ва А.Азизоваларни ёнига келиб, 3-7 кунлик соғлом қиз бола чақалоқни ушлаб туринглар деб, чақалоқни уларга бериб воқеа жойидан яширинган.

Чақалоқнинг онасини аниқлаш чоралари кўрилган. Суриштирув ишлари олиб борилмоқда.