Тошкент шаҳрида 2018 йилда ўртача маош 3 млн сўмдан ошади. Бу ҳақида Sputik хабар берди
Тошкент шаҳрининг 2012-2017 йиллардаги ижтимоий-иқтисодий ривожланишининг асосий натижаларига кўра, 2017 йилда пойтахтда ўртача ойлик маош миқдори – 2 818 000 сўмни, ўртача ойлик пенсия эса — 692 000 сўмни ташкил этган.
Белгиланган режа ва прогноз кўрсатгичларига кўра, жорий 2018 йилда Тошкент шаҳрида ўртача ойлик маош миқдори – 3 096 000 сўмга етказилади, ўртача пенсиялар миқдори – 805 000сўмдан ошади.
Ҳужжатда қайд этилишича, ойлик маошлари ҳажми 2012 йилдан бери уч баробар, пенсиялар икки бараварга ошган.