30993

Ўзбекистон етти давлат фуқаролари учун визани бекор қилди

Бир неча мамлакат фуқаролари учун Ўзбекистонга кириш визалари бекор қилинсин, дейилган Ўзбекистон президенти Шавкат Мирзиёевнинг янги қарорида. “2018 йилнинг 10 февралидан бошлаб Ўзбекистон Республикаси ҳудудига кириш учун Исроил Давлати, Индонезия Республикаси, Корея Республикаси, Малайзия, Сингапур Республикаси, Туркия Республикаси ва Япония фуқаролари учун 30 кунга визасиз кириш тартиби ўрнатилсин”, — дейилган ҳужжат матнида.

Визасиз тартиб амал қилинувчи давлатлар сони шу билан 16 тага етади. Ани пайтда 9 давлат: Озарбайжон, Арманистон, Беларусь, Грузия, Қозоғистон, Молдова, Россия, Украина ва Қирғизистон фуқаролари учун 60 кунгача визасиз юриш ҳуқуқи берилган.

Фармон билан 10 февралдан 39 давлат (рўйхат — қуйида) сайёҳлик визаларини расмийлаштиришнинг соддалаштирилган тартибларини жорий этиш кўзда тутилган. Унга кўра Ўзбекистонга таклиф қилувчи жисмоний ёки юридик шахснинг мурожаати ёки туристик ваучерни ТИВга тақдим этиш талаби бекор қилиниб, визани расмийлаштириш муддати ҳужжатлар қабул қилинган кунни ҳисобга олмаганда икки иш кунидан ошмаслиги белгиланди. Шундай қилиб, соддалаштирилган виза тартибига эга давлатлар сони 15 тадан 51 тага кўпайди.

Бундан ташқари, фармонда 2018 йил 1 июлдан электрон кириш визаларини тақдим этиш тизимини жорий этиш вазифаси топширилган.

Соддалаштирилган виза тартиби жорий этилган давлатлар

Австралия
Албания
Андорра
Болгария
Босния ав Герцеговина
Ватикан
Венгрия
Греция
Дания
Ҳиндистон
Ирландия
Исландия
Кувайт
Канада
Литва
Хитой, жумладан Гонконг
Лихтенштейн
Люксембург
Македония
Мальта
Монако
Нидерландия
Янги Зеландия
Норвегия
БАА
Уммон
Португалия
Руминия
Сан-Марино
Саудия Арабистони
Сербия
Словакия
Словения
АҚШ
Финляндия
Хорватия
Черногория
Швеция
Эстония
Соддалаштирилган виза тартиби амалда бўлган давлатлар
Австрия
Белгия
Буюк Британия
Германия
Испания
Италия
Латвия
Малайзия*
Польша
Таиланд
Туркия*
Франция
Чехия
Швейцария
Япония*