Ўзбекистон Бош прокуратураси ҳузуридаги Ахборот-таҳлил мультимедиа марказига қўйидаги лавозимларга номзод талаб этилади, деб хабар қилди прокуратура матбуот-хизмати.
Креатив муҳаррир — креатив ечим ва тезкорлик, шарх, репортажлар тайёрлашда ва интервью ҳамда «давра суҳбат»лари ўтказишда таҳлилий ёндашув; матнлар, интервью ва суҳбатларни таҳрир қилиш; тилларни мукаммал билиш; тележурналистика соҳасида малакали тажрибага эга бўлиш; компьютер саводхонлиги — ойлик иш ҳақи миқдори 3 млн. сўмдан 4 млн. сўмгачани ташкил қилади.
Мухбир — лавҳалар тайёрлаш жараёнини мукаммал ўзлаштириш; адабий таҳрир малакасига эга бўлиш; ўз фикрларини тўғри ифода этиш, саволномалар тузиш, кадрда ва кадр ортида ишлай билиш; ахборот материалларини тайёрлаш, умумлаштириш ва таҳлил қилиш; муҳбирлик фаолиятида етарли тажрибага эга бўлиш; компьютер саводхонлиги — ойлик иш ҳақи миқдори 2 млн. 300 минг сўмдан 3 млн. 300 минг сўмгачани ташкил қилади.
Телебошловчи — санъаткорлик ва импровизация маҳорати; кадрда ва кадр ортада ишлаш қобилияти; бекамикўст талаффуз ва сухандонлик хусусиятларига эга бўлиш; оммавий тадбирлар ва телевидениеда чиқиш тажрибаси; компьютер саводхонлиги — ойлик иш ҳақи миқдори 2 млн. 300 минг сўмдан 3 млн. 300 минг сўмгачани ташкил қилади.
Мурожаатлар [email protected] электрон манзили бўйича қабул қилинади.
«Ёнингизда паспорт ва резюме бўлиши шарт. Номзодлар билан суҳбат 2018 йил 24 январь куни соат 18.00 да Ўзбекистон Республикаси Бош прокуратураси биносида ўтказилади», — дейилган хабарда.