26447

Танқид: Нукусда йўл кира ҳақи неча сўм? Бу масала ҳал этилиши керак!

«Эркин Қорақалпоғистон» газетасининг журналисти И.Петрушина Нукус шаҳрида куз-қиш мавсумида эрта кун ботиши сабабли жамотчилик транспортлар билан боғлиқ ноқулайликлар келиб чиқиши ҳақида ёзди.

Нукус шаҳрида инсонларнинг ишдан қайтадиган вақтида йўналишли таксиларнинг (маршрутка) етарли эмаслигига эътибор қаратди. Бундай пайтлари келгуси транспортни кўп вақт кўтиб қолиш керак, унинг ўстига кейингисига ўтириб олишга ҳам умид йўқ. Айрим шофёрлар бўлса ўзининг йўналиши буйича табличкасини олиб қўйиб 1000 сўмдан кетишни таклиф этишади (тариф бўйича 800 сўм).

Мана неча йиллардан буён бу ҳолат куннинг қисқариши билан бошланади. Бунга аниқлик киритиш мақсадида журналист Нукус шаҳар ҳокимияти қошидаги Нукус шаҳар транспорт бошқармаси бошлиғи А.Мамбетовга мурожат қилди.

– «Сизнинг айтганларингизга қўшиламан, шаҳарда йўналишли таксилар билан ҳолат оддий эмас. Қоида бузарликлар жуда кўп бўлгани учун бизларга шикоятлар ҳам кўп. Уларга чора кўрмоқдамиз. Лекин, ҳаммасини бир бошдан. Ҳақиқатдан ҳам тушда ва кечқурин ишдан қайтадиган вақтда одамларнинг сони кўп бўлиши, йўналишли таксиларнинг оз экани сезилади. Лекин, бу ҳолат бизга боғлиқ эмас. Ҳар чоракда бизлар янги йўналишлар бўйича тендерлар ўтказамиз ва ҳамиша кўпчилик тадбиркорларнинг шаҳар транспортларда ишлашни истамаслигини кўрамиз. Шуни айта оламан ҳозирги кунда, 40 йўналиш бўйича ташувчилар етишмайди. Тадбиркорларнинг нима учун тендерлерда иштирок этишни истамаслиги, менимча риторик савол бўлса керак. Ташувчилар томонидан ёқилғи, амортизация чиқимлари нарҳлари йўл кира ҳақига нисбатан тезроқ ўсиб бораётганини эшитиш мумкин. Шунинг учун, шундай қишқи вақтларда тез қоронғу тушиши кўпчиликни тезроқ уйига қайтишга мажбурлайди. Шу сабабли, йўналишли таксидагилар бундай кўп йўловчилар сонига улгира олишмайди. Энди қоида бузарликларга келсак, бизни идорамиз бу билан курашмоқда. Бизда ишонч телефони бор ва биз фуқаролардан келган мурожатларни жавобсиз қолдирмаймиз. Фуқаролар йўл кирани тарифдан кўп олиш, шофёрларнинг йўловчиларга қўпол муносабатда бўлгани, йўналиш бўйича юрмасликлари, мошиналарнинг тўқтамасдан кетиши, шунингдек, транспортнинг техник ҳолати талабларга жавоб бермаслигидан шикоятлар қилади.

Масалан, 15 йўналишдаги автобусда коллеж ўқувчисини ойлик йўл чиптаси билан обориб қўйишни ҳоҳламай пул талаб қилинган. Шикоятни ўрганиб чиқдик ва шофёр томонидан қоида бузарлик аниқланиб у ишдан бўшатилди. Шундай жазо билан 28-йўналиш шофёри ҳам жазоланди. Яъни, у минг сўмнан одам ташиб (тариф бўйича 800 сўм), жетон берган қизни машинасидан тушириб кетган. 53-йўналишдаги шофёр ҳам ишдан олинди. Чунки, у нарҳни тарифдан ошириб сўнги бекатгача йўловчиларни элтиб қўймаган.

Ҳокимиятга келган мурожаатларни ҳам кўриб чиқмоқдамиз. Масалан, «Қутли макан» фуқаролар йиғинида яшовчилар халқ сонининг ўсиши сабабли тендер комиссиясининг ҳудудга янги йўналиш ташкил этишни сўраб мурожат қилишган. Мурожат Йўл ҳаракати ҳавфсизлиги бошқармасига кўриб чиқиш учун жўнатилди. Лекин, уларнинг ҳулосасига биноан янги йўналиш очишга рухсат берилмади. Ҳозир бошқа ташкилотлар билан бу масалани ҳал этишга ҳаракат қилмоқдамиз. Сабаби, фуқаролар йиғинида яшовчилар ҳақ, уларга транспорт бориши керак.

Йўналишли таксиларда нарҳларнинг тарифтан юқори бўлиш масаласига келсак, назоратни тендерни ютиб олган тадбиркорлик субъектлари, шунингдек, бошқа давлат тузилмалари шуғилланишлари керак», – деди А.Мамбетов.

Қоида бузарликларга қарши курашиш чоралари қўлланилаётганига қарамасдан амалдаги назорат натижасиз, кўпчилик йўналишларда шофёрлар соат кечки олтидан кейин йўл кирани тарифдан юқори қилишади. Йўловчилар учун бу табийий ҳолатга айланиб қолган ва улар жимгина шофёр айтган нарҳда тўлашади.

Жамоат транспорти керакли даражада ишлаши, ҳавфсиз бўлиши ва нарҳларнинг кун давомида ўзгармаслиги учун шаҳар раҳбарияти ёки парламентлик даражада бу масалани ҳал қиладиган вақт келди,ғ деб ёзади журналист И.Петрушина.
Манба: Makan.uz