26348

Йирик ўғрилик жиноятларини содир этган гуруҳ қўлга олинди

Тошкент вилоят ИИБ томонидан ўтказилган тезкор тадбир давомида 1980 йилда туғилган Б.К., 1982 йилда туғилган И.Г., 1997 йилда туғилган У.К., 1998 йилда туғилган А.Ж. ва 1997 йилда туғилган А.А. Зангиота туманида яшовчи 1996 йилда туғилган А.Б.нинг уйидан уч бош қўйини ўғирлаб кетганлиги аниқланди. Бу ҳақда вилоят ИИБ хабар берди.

Суриштирув ишлари натижасида улар томонидан Зангиота туманида яшовчи 1988 йилда туғилган Г.А.нинг уйидан сув тортиш насоси, телевизор тюнери ва бошқа уй жиҳозлари ўғирлаб кетилганлиги аниқланган

Шунингдек, гуруҳ аъзолари 1981 йилда туғилган Н.А.нинг уйидан бир миллион саккиз юз минг сўм пули, тилла такинчоқлари ҳамда молхонасидан икки бош қўйини, 1961 йилда туғилган М.Э.нинг уйидан 600 АҚШ доллари ва тилла тақинчоқларни, 1958 йилда туғилган уй бекаси Ю.М.нинг уйи ҳовлисида бўлган бир бош қорамолини қўлга киритган.

Жиноий гуруҳ шу билан чекланмасдан, 1974 йилда туғилган С.Э.нинг ҳовлисида бўлган бир бош отни, 1954 йилда туғилган Д.И.нинг ҳовлисида бўлган бир бош қорамолини, 1982 йилда туғилган М.М.нинг уйидан уч миллион беш юз минг сўмлик тилла тақинчоқлар ва бир дона қўл телефонни, 1986 йилда туғилган Ю.А.нинг дала ҳовлисидан икки бош қўйини ўғирлаб кетган.

Ҳозирда суриштирув ҳаракатлари олиб борилмоқда ва уларнинг бошқа жиноятларга алоқадорлиги текширилмоқда.