БААнинг Абу-Даби шаҳрида бўлиб ўтаётган клублар ўртасидаги жаҳон чемпионатининг чорак финалида мезбон «Ал-Жазира» ОЧЛ-2017 ғолиби «Урава Ред Даймондс» билан куч синашди. Учрашувда 1:0 ҳисоби қайд этилиб, мезбонларнинг ғалабаси билан якунланди.
Учрашувдаги ягона голга Али Аҳмад Мабҳут муаллифлик қилди. Ушбу учрашувда ҳамюртимиз Сардор Рашидов захирада қолдирилди.
Шу тариқа, «Ал-Жазира» жамоаси ЖЧ ярим финалига йўл олди ва 13 декабрь куни Мадриднинг «Реал» клубига қарши майдонга тушади. Иккинчи ярим финалда эса Мексиканинг «Пачука» ва Бразилиянинг «Гремио» клублари ўзаро тўқнаш келадилар.