Профессионал боксда мағлубият нималигини билмай келаётган нокаутчи чарм қўлқоп устамиз Шоҳжаҳон Эргашев АҚШ заминидаги ўзининг такрорланмас жангини ўтказди.
Шоҳжаҳон АҚШда ўтказган илк жангида мезбон боксчи Маркес Хауторнга қарши рингга кўтарилди. 26 ёшли Хауторн шу кунгача 12 та жанг ўтказган бўлиб, уларнинг 5 тасида ғалабага эришганди.
Ропқон бокс мактаби тарбияланувчиси бўлган Эргашев эса барча жангларида рақибларини нокаутга учратганди. Бугун ана шу анъана давом этди. Шоҳжаҳон иккинчи раунддаёқ америкалик боксчини нокаутга учратиб, АҚШ заминидаги илк жангида чиройли ғалабага эришди.