22212

Ўзбекистон ҳаво йўллари қишги жадвалга ўтиб парвозлар сонини оширди

«Узбекистон хаво йуллари»  29 октябрдан бошлаб, парвозларни қишги жадвал бўйича амалга ошира бошлайди, деб хабар қилди компания матбуот хизмати.

Қишги масумда Миллий авиакомпания бир қатор йўналишлар бўйича парвозлар сонини оширмоқда. Ундан ташқари Самарқанд аэропортидан янги йўналишлар йўлга қўйилмоқда.

Самарканд-Истанбул-Самарканд йўналишида янги йўлга қўйилган парвозлар 30 октябрдан ҳар душанба, 16 ноябрдан эса ҳар пайшанба амалга оширила бошлайди.

Шунингдек, МАК Амритсарга парвозлар сони ҳафтасига 2 маротаба, Сеулга – 5 маротаба, Олма-Отага – 7 маротабагача оширилганини хабар қилди.

Янги қишги жадвал 2018 йилнинг 24 мартига қадар амал қилади.