Мутлақ кураш бўйича Россия чемпионати (UFC) ғолиби Хабиб Нурмагомедов иккинчи марта Ўзбекистонга учиб келди. Мамлакатдаги бир неча кун ташрифи давомида спортчи Андижон ва Тошкент шаҳарларида бўлишга улгурди.
Нурмагомедов 25-октябрь куни Андижонга келди ва у ерда бошқа жангчилар билан бирга машғулот ўтказди, шунингдек Андижон футбол мактабига ҳам ташриф буюрди. Ўзининг Инстаграм саҳифасида Нурмагомедов ёш ўзбек спортчилари билан тушган суратларини #Uzbekistan, #Andijan хэштеги остида эълон қилиб борди.
Шу куни кечқурун спортчи Андижонда дўстининг тўйига ҳам ташриф буюрди. У Инстаграм саҳифасида дўстини самимият билан табриклаб, янги ҳаётида унга бахт тилади. Хабарлардан кўриниб турибдики, спортчи Ўзбекистонга дўстининг тўйи муносабати билан ташриф буюрган.
Кейинчалик Нурмагомедов Инстаграмда тўйдан «куёвни қандай қилиб ўғирлаб кетиш» маросими ҳақидаги кулгили видеони жойлаштирган.
26 октябрь куни спортчи Тошкентда бўлиб, пойтахтдаги фитнесс марказларидан бирида бўлди ва машғулот ўтказди. Нурмагомедов эълон қилган расмларига «Ҳар доим ва ҳар жойда машғлуот» ёзуви билан изоҳ қолдирган. Бундан ташқари, у жанг тўғрисидаги тезкор янгиликларни ҳам эъллон қилиб борган.
Эслатиб ўтамиз, жорий йилнинг баҳорида Нурмагомедов Тошкентга ташриф буюрган эди.