Ўзбекистон ҳукумати пахта майдонларида терилаётган бир килограмм пахта учун нархни яна оширди. Маълумотларга кўра, 17 октябрдан Тошкент вилоятида тўлиқ, Сирдарё, Жиззах ва Қашқадарё вилоятларининг айрим туманларида теримчилар 800 сўмдан, қолган ҳудудларда эса 700 сўмдан ҳақ олмоқда. Бу ҳақида Халқаро меҳнат ташкилотининг техник масалалар бўйича бош маслаҳатчиси Йонас Аструп маълум қилган.