Ғоибназаровнинг рақиблари ундан чўчияптими? Рақиб яна ўзгарди
Профессионал боксчимиз Рио Олимпиадаси чемпиони Фазлиддин Ғоибназаров 9 декабрь куни фаолиятидаги тўртинчи жангини ўтказади -деб хабар бермоқда Olamsport.com.
Ҳамюртимиз шу куни россиялик Андрей Климовга қарши рингга кўтарилиши керак эди. Лекин кутилмаганда 35 ёшли Климов ҳамда унинг жамоаси ўз режасини ўзгартирди ва Фазлиддин билан жанг қилмаслигини маълум қилганди. Бундан олдинроқ, мексикалик Алексис Дел Боске ҳам дастлаб розилик бериб кейинчалик ўз фикридан қайтганди.
Ниҳоят, машҳур промоутер Боб Арум бошчилигидаги Top Rank компанияси Ғоибназаровга янги рақиб топди. Олимпиада чемпиони 9 декабрь куни мағлубиятсиз одимлаёган Стивен Ортизга қарши рингга кўтарилади.
Америкалик 24 ёшли боксчи шу кунгача профессионал рингда 7 та жанг ўтказган бўлиб, уларнинг барчасида ғалаба қозонган. Икки бор рақибларини муддатидан аввал таслим этган. У сўнгги жангини 24 июнь куни ўтказган ва Тайром Жонсни очколар ҳисобига кўра мағлубиятга учратган эди.
Фазлиддин Ғоибназаров ва Стивен Ортиз ўртасидаги 8 раундлик жанг АҚШнинг Нью-Йорк шаҳридаги дунёга машҳур Madison Square Garden аренасида бўлиб ўтади. Оқшомнинг марказий жангида украиналик жаҳон чемпиони Василий Ломаченко рингга кўтарилади.
Сўнгги янгиликлар
-
17 декабрь 11:39 -
16 декабрь 12:05
-
23 октябрь 16:22
-
16 октябрь 15:09
-
27 сентябрь 22:31
-
24 сентябрь 14:08 -
23 сентябрь 13:52
-
13 сентябрь 15:50
-
12 сентябрь 12:31
-
11 сентябрь 11:58
