Аргентина терма жамоаси ва «Манчестер Сити» клуби ҳужумчиси Серхио Агуэро Нидерландияда рўй берган йўл-транспорт ҳодисаси натижасида жароҳат олди.
НТВ нашрининг хабар беришича, форвард Амстердамга колумбиялик қўшиқчи Малуманинг концертида иштирок этиш учун йўл олган. Мусиқачининг дастуридан сўнг у аэропортга бориш учун ўтирган такси устунга келиб урилди.
Хабар қилинишича, ўйинчи хавфсизлик камарларидан фойдаланган, бироқ қовурғаларидан барибир жароҳат олган.
Агуэро шифохонага ковурғаларининг жароҳатланиши ташхиси билан олиб келинди. Бироқ футболчининг саломатлиги қай даражада экани ҳақидаги маълумот ҳозирча йўқ. Бу ҳақида «Манчестер Сити» ва Аргентина терма жамоаси ҳам расмий баёнот бермади.