Шимолий Кореяда бензин нархи уч баробар қимматлашди
Халқаро санкциялар ўз натижасини куттирмади. КХДРда ёнилғи баҳоси қарийб уч баробарга қимматлашди, деб ёзмоқда Carzone.
БМТнинг хавфсизлик кенгаши 12 сентябрда КХДРга нисбатан санкцияларни кучайтириш ҳақидаги резолюцияни қабул қилди. Бу Шимолий Кореянинг навбатдаги ядровий синови учун киритилган жазо чорасидир. Энди шимолликлар хом нефть ва унинг қайта ишланган маҳсулотларини харид қилишига чеклов ўрнатилади.
Yonhap агентлигининг хабарига қараганда КХДРда бензиннинг нархи 3 баробарга қимматлаб кетган. Бир литр бензин учун шимолликлар 5,1 доллар тўламоқда. Бироқ гуруч ва хорижий валюта нархи ўзгармай қолганини айтиш жоиз.
Nikkei агентлигининг хабарига кўра, мамлакатга олиб келинадиган бензиннинг тахминан 60 фоизини нефть саноати вазирлиги қабул қилади ҳамда ёнилғи қуйиш шохобчаларига тарқатади. 20 фоиз ёнилғи Мудофаа вазирлиги ихтиёрига ўтади. 15 фоизини Корея Меҳнат партияси олса, 5 фоизи спорт ташкилотларига етказилади.
Сўнгги янгиликлар
-
23 декабрь 15:55 -
18 декабрь 10:30
-
17 декабрь 15:32
-
17 декабрь 11:19
-
16 декабрь 15:00
-
16 декабрь 11:35 -
23 октябрь 12:14
-
16 октябрь 15:03
-
15 октябрь 11:49
-
9 октябрь 15:39
