Фазлиддин Ғоибназаровнинг рақиби ўзгарди, у россиялик боксчи
Профессионал боксчимиз Рио Олимпиадаси чемпиони Фазлиддин Ғоибназаровнинг 9 декабрь кунига белгиланган жангидаги рақиби ўзгарди. Бу ҳақида olamsport.com хабар бермоқда.
Машҳур промоутер Боб Арумга тегишли Top Rank промоутерлик компанияси мижози бўлган ҳамюртимиз 22 сентябрь куни АҚШнинг Аризона штати Тусон шаҳрида мексикалик Виктор Росасни 80:72, 80:72, 80:72 ҳисобида мағлуб этганди.
Ғоибназаров фаолиятидаги ҳисоб бўйича тўртинчи жангида 9 декабрь куни АҚШнинг Нью-Йорк шаҳридаги ўз бағрига 5 500 томошабинни сиғдира олувчи муҳташам Madison Square Garden аренасида рингга кўтарилади.
Аввалроқ, унинг рақиби мексикалик Алексис Дел Боске бўлиши ҳақида хабар берган эдик. Лекин бугун Фазлиддиннинг рақиби ўзгарди. У россиялик Андрей Климовдир. 35 ёшли бу боксчи профи рингда 23 та жанг ўтказган бўлиб, уларнинг 19 тасида ғалаба қозонган. Тўртта жангда мағлубият аламини тотиб кўрган. Тўққизта жангда рақибларини нокаутга учратган.
Эътиборлиси, Климов мағлубиятларидан 3 тасини кетма-кет охирги жангларида қабул қилиб олган. Яъни, у сўнгги 3 та жангида мағлубият аламини тотиб кўрган.
Сўнгги янгиликлар
-
17 декабрь 11:39 -
16 декабрь 12:05
-
23 октябрь 16:22
-
16 октябрь 15:09
-
27 сентябрь 22:31
-
24 сентябрь 14:08 -
23 сентябрь 13:52
-
13 сентябрь 15:50
-
12 сентябрь 12:31
-
11 сентябрь 11:58
