Марказий банк экспортдан келиб тушган валюта тасарруфи бўйича тушунтириш берди
Ўзбекистон Марказий банки экспортдан келиб тушган чет эл валютасидаги тушумдан мажбурий сотув амалга оширилиши юзасидан тушунтириш берди.
Банкнинг билдиришича, Ўзбекистон президентининг 2017 йил 2 сентябрдаги «Валюта сиёсатини эркинлаштиришнинг устивор чора-тадбирлари тўғрисида»ги Фармонига мувофиқ, мулкчилик шаклидан қатъи назар, барча хўжалик юритувчи субъектлар экспорт амалиётлари бўйича келиб тушган хорижий валютадаги тушумни мажбурий тартибда сотишларига қўйилган талаб бекор қилинди.
Юқоридаги меъёр қабул қилиниши муносабати билан ва мажбурий сотувни амалга оширилиши ёки оширилмаслиги юзасидан келиб тушаётган саволларга жавобан Марказий банк 2017 йилнинг 5 сентябридан бошлаб барча тадбиркорлик субъектлари экспорт қилинаётган товарлар (хизматлар) тури ва хўжалик юритувчи субъектларнинг мулкчилик шаклидан қатъи назар, экспорт амалиётлари бўйича келиб тушган хорижий валютадаги тушумни мажбурий тартибда сотишларига қўйилган талаб бекор қилинганлигини маълум қилди.
Бундан буён экспортчилар экспортдан келиб тушган ўз валюта маблағларини эркин тасарруф этиш ва ҳеч қандай тўсиқларсиз ўз хоҳишларига кўра, жорий халқаро тўловларни амалга ошириш, шунингдек товарлар (хизматлар) импорти учун сарфлашлари ёки миллий валютадаги жорий харажатларни амалга ошириш учун хизмат кўрсатувчи банкка ёки валюта биржасида (банк орқали) сотиш ҳуқуқига эгадир.
Сўнгги янгиликлар
-
23 декабрь 15:55 -
18 декабрь 10:30
-
17 декабрь 15:32
-
17 декабрь 11:19
-
16 декабрь 15:00
-
16 декабрь 11:35 -
23 октябрь 12:14
-
16 октябрь 15:03
-
15 октябрь 11:49
-
9 октябрь 15:39
