16271

Автобуслар ва юк техникаси миллий валютага сотилади

25 августдан бошлаб, MAN Auto Uzbekistan ҚК ва “СамАвто” МЧЖ томонидан ишлаб чиқариладиган автобус ва юк техникалари миллий валюта – сўмга сотиладиган бўлади.

Икки ишлаб чиқарувчининг автобус ва юк техникаси нархлари эркин айрибошланувчи валютада белгиланади. Тўлов фақат миллий валютада, Марказий банкнинг шартнома тузилган кун учун белгилаган расмий курси бўйича амалга оширилади.

Транспорт воситаси қийматининг 85 фоизидан кўпроғи миқдорида дастлабки тўлов амалга оширилганда, валюта курсининг ўзгариши тўловнинг қолган қисмига таъсир кўрсатмайди. Бундай ҳолатда атвомобилнинг контракт нархи ўзгармайди.  Нархларни эркин айрибошланувчи валютада белгиланиши маҳсулот нархини оширмайди, балки қатор позициялар бўйича нархларнинг 10%га пасайиши кўзда тутилади.

Этиборли томони, MAN Auto Uzbekistan ҚК ишлаб чиқарадиган маҳсулотларда 18 позиция бўйича нархлар 9%гача туширилган, “СамАвто” МЧЖда ишлаб чиқариладиган маҳсулотлар бўйича – 10%гача арзонлашув кузатилади.

Икки корхонанинг бошқа позициялар бўйича нархлари ўзгармайди.  Янги тузиладиган шартномалар бўйича транспорт воситаларини етказиб беришнинг якуний муддатлари ҳам белгиланган. Серияли чиқариладиган автобуслар ва юк техникаси учун у 90 иш кунини, индивидуал буюртма бўйича ишлаб чиқариладиган махсус техника бўйича – 120 кундан 180 кунгачани ташкил қилади.