16229

Ўзбекистонда ҳаво ҳарорати яна кўтарилиши кутилмоқда

Август ойининг сўнгги ҳафтасида Ўзбекистонда ҳаво ҳарорати яна кўтарилади. Бу ҳақда uznews.uz хабар бермоқда.

Тошкент, Самарқанд, Жиззах ва Сирдарё вилоятларида ҳаво булутли бўлади, ёғингарчилик кутилмайди. 26 август куни кечаси +15…+20, кундузи +32…+37, 27-29 август кунлари кечаси +17…+22, кундузи +34…+39 даража иссиқ бўлади.

Қорақалпоғистонда ва Хоразм вилоятида ҳам ҳаво булутли бўлади, ёғингарчилик кутилмайди. Ҳаво ҳарорати кечаси +17…+22, кундузи +33…+38 даража бўлади.

Бухоро ва Навоий вилоятларида ҳам ўзгарувчан, булутли ҳаво бўлади. Ҳарорат 26 август куни кечаси +17…+22, кундузи +32…+37, 27-29 августда +34…+39 даражани ташкил этади.

Андижон, Наманган ва Фарғона вилоятларида ўзгарувчан, булутли ҳаво бўлади. 26 август куни кечаси +15…+20, кундузи +32…+37, 27-29 август кунлари кечаси +17…+22, кундузи +34…+39 даража иссиқ бўлади.