15992

“Ўзбектелеком” АК бир ойда Ўзбекистон Республикаси Президентининг виртуал қабулхонасига келиб тушаётган 120 минг қўнғироқни қабул қилади

22 август куни “Халқ билан мулоқот ва инсон манфаатлари йили” муносабати билан “Ўзбектелеком” АК томонидан ОАВлари учун “Call-center” чақириқларга хизмат кўрсатувчи ягона марказига саёҳат уюштирилди. Бу ҳақида “Ўзтелеком” АК сайтида хабар берилди.

«Ўзбектелеком» АК чақириқларга хизмат кўрсатувчи ягона маркази бир кеча-кундуз мобайнида 6 сменада ишлайди ва бугунги кунда 365 операторга эга, улардан: 57 нафари олий маълумотли муҳандис. Биз мурожаатлар билан ишлаш ҳамда хизмат кўрсатиш сифатини ошириш бўйича зарур техник чораларни кўриш бўйича ходимларимизни мунтазам равишда ўқитамиз. Ходимларимиз билан доимий равишда штатдаги психолог-мутахассис ишлайди. Мижозларимиз масалаларини жуда ҳам тезкор ҳал қилишга ва мурожаатларнинг албатта баражарилишига ҳаракат қиламиз» – дейди Шахноза Шукурова.

Саёҳат даврида «Call-center»  хизматига талаб жадал ўсиб бораётганлиги таъкидланди. Агар «Ўзбектелеком» АК «Call-center» операторлари томонидан бутун 2016-йил мобайнида 1 770 459та чақириққа хизмат кўрсатилган бўлса, 2017-йилнинг фақат биринчи ярим йиллигида 2 063 304та чақириққа хизмат кўрсатилди.

«Бугунги кунда «Ўзбектелеком» АК «Call-center» нафақат компания абонентлари чақириқларига хизмат кўрсатади, балки кўпроқ даражада давлат ташкилотлари, вазирлик ва йирик компанияларга мурожаатларни қайта ишлаш аутсорсинги бўйича ишламоқда. – дейди «Ўзбектелеком» АК Маркетинг ва сотувлар бўйича директори, Евгений Вишневский, – бунда биргина рақамни келтириб ўтишнинг ўзи кифоя: Фақат Ўзбекистон Республикаси Президентининг виртуал қабулхонасида ойига 120 минг чақириқ қабул қилинмоқда».

«ТШТТ» филиали «Cалл-маркази» хизмати операторлари билан аутсорсинг қуйидагиларни амалга оширади:

– Ўзбекистон Республикаси Президентининг виртуал қабулхонаси.
– Интерактив Давлат Хизматлари Ягона Портали.
– Алоқа, ахборотлаштириш ва телекоммуникация технологиялари соҳасида назорат бўйича давлат инспекцияси.
– Ўзбекистон Республикаси Ахборот технологиялари ва коммуникацияларини ривожлантириш вазирлиги виртуал қабулхонаси.
Оператор ижарасисиз ва иш жойисиз аутсорсинг қуйидагиларни амалга оширади:

– Ўзбекистон Республикаси Ички ишлар вазирлиги.
– Ўзбекистон Республикаси Бош прокуратураси.
– Ўзбекистон Республикаси Суд департаменти.
– Тошкент вокзали.