Жиззахда икки нафар ички ишлар ходими калтакланди

Ўзбекистон 20 июль 15:24 1 265

19 июль куни Жиззах вилоятининг Зарбдор туманида яшовчи фуқаро туман ИИБга телефон орқали мурожаат қилиб, қўшниси Э.С.нинг уйига 4 нафар номаълум шахс келиб, уларни тинчлигини бузаётганлигини маълум қилган.

Мазкур хабар юзасидан туман ИИБда хизмат олиб бораётган лейтенант Ш.Ғ. ва лейтенант Қ.Т.лар тартибни сақлаш учун Э.С.нинг уйига етиб келганларида у ерда бўлган Жиззах шаҳрида яшовчи Ж.Қ. ва А.Ҳ.лар лейтенант Ш.Ғ.нинг бошига шиша идиш билан, лейтенант Қ.Т.нинг эса бош ва танасинининг турли жойларига қўллари билан уриб жароҳат етказиб, воқеа жойидан қочиб кетганлар.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар беришича, натижада лейтенант Ш.Ғ. ва Қ.Т.лар касалхонага ётқизилган. Кўрилган чоралар натижасида Ж.Қ. ва А.Ҳ.лар қўлга олинган.