«Ўзавтосаноат»нинг собиқ раҳбари Улуғбек Рўзиқулов «Ўзбекистон ҳаво йўллари» миллий авиакомпанияси бош директорлигидан ҳам олингач, янги лавозимга тайинланди. Бу ҳақда Kun.uz хабар бермоқда.
Маълум қилинишича, Улуғбек Рўзиқулов Ўзбекистон Республикасининг Индонезиядаги фавқулодда ва мухтор элчиси сифатида иш бошлаган.
Эслатиб ўтамиз, бундан аввал, Ўзбекистон Республикаси бош вазири ўринбосари сифатида фаолият юритган Улуғбек Рўзиқулов бошқа ишга ўтиши муносабати билан ўз лавозимидан озод этилгани ҳақида хабар берилганди. Шундай қилиб, Рўзиқулов «Ўзавтосаноат» раҳбарлигидан озод этилди.
Кейинроқ, у «Ўзбекистон ҳаво йўллари» миллий авиакомпанияси бош директори этиб тайинлангани маълум бўлди.
Ақтўбе фожиасидан сўнг, Рўзиқулов «Ўзбекистон ҳаво йўллари» МАК бош директорлигидан ҳам кетганди.