29574

Футбол сехргари ўз фаолиятини якунлади

“Барселона” ва Бразилия терма жамоасининг собиқ яримҳимоячиси Роналдиньо футболчилик фаолиятини якунлади.

Бу ҳақда футболчининг ва агенти Роберто де Ассиш оавга расман хабар берди.

37 ёшли футболчи сўнги маротаба 2015 йил сентябрда “Флуминенсе” таркибида расмий учрашувда майдонга тушган эди.

Машҳур футболчи фаолияти давомида “Керетаро”, “Атлетико Минейро”, “Фламенго”, “Милан”, “Барселона”, “ПСЖ” ва “Гремио” клубларида ҳам тўп сурган.

Роналдиньо “Барселона” таркибида Испаниянинг 2 карра чемпиони ва Чемпионлар лигаси ғолиби бўлган, “Милан” таркибида Италия чемпиони унвонини қўлга киритган.

У 2002 йилда Бразилия терма жамоаси сафида жаҳон чемпиони, 2005 йилда Конфедерация кубоги, 1999 йилда Америка кубоги соҳибига айланган.