Аввал хабар берилганидек, Шоҳжаҳон Эргашев АҚШнинг Нью-Йорк шаҳридаги “Turning Stone Casino Resort” аренасида Профессионал бокснинг супер енгил ( super lightweight, 63,5 кг.гача) вазнида рингга чиқиб (12-0, 12 KOs) ўзининг навбатдаги жангини ҳам нокаут билан тугатди. Ҳамюртимизга бу сафар америкалик енгилмас боксчи, WBA рейтингида 8-ўринда бораётган Сони Фредриксон (18-0, 12 KOs) рақиблик қилди. Эргашев бу сафар рақибини учинчи раундда нокаутга учратди ва кетма-кет 12 жангида ҳам нокаут билан ғалаба қозонди.