Ота-она қизи 13 ёшга тўладиган куни унга спиртли ичимлик совға қилишган. Бундан ташқари, қизнинг 17 қадаҳ арақ ичишига рухсат беришган.
Американинг Пенсильвания штатида яшовчи оиланинг бошлиғи ўз қизига спиртли ичимлик ичишга рухсат бергани учун 4 йилга озодликдан маҳрум қилинди. Бу ҳақида “Associated Press” агентлиги хабар тарқатди.
Гап шундаки, Чарльз Янгер ва Мишель Эдвардснинг қизи 13 ёшга тўладиган куни унга спиртли ичимлик совға қилишган. Бундан ташқари, қизнинг 17 қадаҳ арақ ичишига рухсат беришган. Спиртли ичимликнинг бундай миқдорини ичган қиз саломатлиги ёмонлашиб, оқибатда шифохонага етказилган.
Қизнинг ота-онаси ўз айбига иқрор бўлишди. Қизининг ҳаётига хавф туғдиргани учун Чарльз Янгер 4 йилга, Мишель Эдвардс эса 23 ойга озодликдан маҳрум этилди.