15757

Президент бир неча озиқ-овқат махсулотлари учун белгиланган акциз солиғини бекор қилди

Ўзбекистон Республикаси президенти томонидан 2017 йил 15 августда имзоланган янги қарорга кўра, жорий йил 1 сентябрьдан бошлаб сариёғ, соя ва кунгабоқар ёғи, уруғлик маҳсулотлар (картошка, буғдой, маккажўхори, жавдари, меслин, арпа, сули, гречка, соя фасулялари ва бошқ.), крупа, шакарқамиш шакари, какао, пишлоқлар, фармацевтикада зарур бўлган маҳсулот, ҳайвон ва парранда боқиш учун ем турларига нисбатан ноль ставкада бож тўлови жорий этилади. Бу ҳақида KUN.UZ мухбирига Ташқи савдо вазирлиги ахборот хизмати маълумот берди.

Шунингдек, 1 сентябрдан бошлаб, Ўзбекистон Республикасига олиб кириладиган гўшт ва ярим тайёр гўшт маҳсулотлари, парранда ёғи, чўчқа ёғи, буғдой уни ва ҳайвонларни боқиш учун ем маҳсулотлари белгиланган акциз солиқдан озод этилган.

Қарорда таъкидланганидек, қуйидаги алоҳида турдаги маҳсулотларга нисбатан бож тўлов ставкаси пасайтирилди:

– гўшт маҳсулотлари олинувчи катта шохдор жониворлар, чўчқа гўшти ва ёғи, парранда ёғи, ярим тайёр гўшт маҳсулотлари, кофе, буғдой уни, шакарқамиш шакари;

– кунгабоқар ёғи, кофе ва шакар маҳсулотларига белгиланган аксиз солиғи.

Мазкур қарорда кўзда тутилган асосий мақсад маҳаллий ишлаб чиқарувчиларни истеъмол бозорида рақобат қилишга, харидорлар садоқатига эришиш учун юқори сифатга ҳаракат қилишга рағбатлантиради. Шунингдек, фирибгарлик йўли билан нархларнинг сунъий ўзгариши, чайқовчилик фаолияти орқали сунъий товар айланмасининг ҳажмига таъсир ўтказишнинг олди олинади.