55475

Қумқўрғондаги сув омборидан мактаб ўқувчисининг жасади топилди

Шу йилнинг 17 декабрь куни кечга яқин Сурхондарё вилояти, Қумқўрғон тумани «Хўжамулки» маҳалласи ҳудудидаги «Жанубий-Сурхон» сув омбори қирғоғидан вояга етмаган шахс жасади топилди. Бу ҳақда Бош прокуратура берган маълумотга таяниб, «Xabar.uz» хабар берди.

Олиб борилган тезкор ҳаракатлар натижасида марҳум шу маҳаллада яшовчи 13 ёшли мактаб ўқувчиси Ў.Б. экани аниқланган. Шунингдек, унинг ўлимига 13 ёшли таниши Ш.А сабаб бўлгани фош этилган.

Ҳолат бўйича туман прокуратураси томонидан Жиноят кодексининг 97-моддаси 1-қисми (Қасддан одам ўлдириш) билан жиноят иши қўзғатилиб, тергов ҳаракатлари олиб борилмоқда.

Ш.А. тегишли тартибда қўлга олинган.