Ислом Каримов номидаги Республика хайрия жамоат фонди ноёб видеони эълон қилди. Унда Ўзбекистон Республикасининг Биринчи Президенти Ислом Абдуғаниевич Каримов иштирокида 1993 йилда мамлакатда Наврўз байрами қандай нишонлангани тасвирланган.
Ислом Каримов Совет иттифоқи республикалари рахбарлари орасида биринчи бўлиб Наврўзни давлат байрами дея эълон қилган эди.
ЎзССР Президентининг 1990 йил 3 майдаги Қарори билан Наврўз умумхалқ байрами, 21 март эса дам олиш куни дея эълон қилинган.