Зилзила сабаб Тошкент халқаро аэропортига икки самолётнинг қўниши кечиктирилди
14 март куни соат 02:33 да Тошкентда кузатилган 4 баллик зилзила чоғида пойтахт халқаро аэропортига икки самолёт қўнишга тайёрланаётган эди.
Уларнинг биринчиси — FZ1941 рейс билан Дубай – Тошкент йўналиши бўйича учаётган “Fly Dubai” авиакомпаниясининг Boeing 737-8KN самолёти.
Иккинчиси “Uzbekistan airways” миллий авиакомпаниясининг HY514 рейс билан Сеул – Тошкент йўналиши бўйича учаётган Boeing 787-8 Dreamliner самолёти эди.
“Новости ташкентского неба” каналининг ёзишича, Тошкент халқаро аэропорти диспетчерлари томонидан ҳар икки самолёт кутиш зонасига йўналтирилган. Бу чора аэропорт учиш-қўниш йўлаги самолётларнинг хавфсиз қўнишига тўсқинлик қилувчи шикаст ёки талафот етмаганига ишонч ҳосил қилиш учун қўлланилади.
Бир неча дақиқалик кутишдан сўнг икки ҳаво кемаси ҳам Тошкент аэропортига эсон-омон қўнишни амалга оширган.
Сўнгги янгиликлар
-
25 декабрь 15:20 -
25 декабрь 15:10
-
25 декабрь 15:00
-
24 декабрь 13:22
-
23 декабрь 10:23
-
23 декабрь 9:39 -
17 декабрь 9:50
-
15 октябрь 11:28
-
11 октябрь 11:02
-
3 октябрь 11:14
