637

Россия туркиялик ишчиларни ёллашга ўрнатилган тақиқни яқин орада бекор қилади

мир | Фотопроектлар 11 март 15:35 390

Туркия фуқароларининг Россияда ишлашига нисбатан чекловлар тез орада бекор қилинади. Бу ҳақда президент Владимир Путин туркиялик ҳамкасби Ражаб Тоййиб Эрдўған билан учрашувдан сўнгги матбуот анжуманида маълум қилди.

«Тез орада Туркиядан келган ишчиларни ёллаш бўйича тақиқ бекор қилинади, Туркия компанияларига нисбатан чекловлар бартараф этилади, виза тартиби соддалаштирилади», — деб ваъда берди Россия раҳбари.

Путиннинг сўзларига кўра, ушбу масалалар юзасидан сиёсий қарор қабул қилинган, эндиликда, гап уларни ҳаётга татбиқ этишда қолган.

Россия етакчисининг қайд этишича, Москва Туркияни муҳим ҳамкори деб билади. «Биз олий даражадаги сиёсий мулоқотни давом эттириш ниятидамиз», — деган Путин. У мазкур учрашув бир йил ичида Эрдўған билан тўртинчи бевосита кўришув эканини таъкидлаган.

Путиннинг уқдиришича, Россия терроризмнинг ҳар қандай кўринишини қабул қила олмайди, шу сабабли аксилтеррор ҳамкорликни кенгайтиришни режалаштирмоқда.

Изоҳ билдириш

Сўнгги янгиликлар