5911

Дипломи имтиҳонсиз нострификация бўладиган хорижий олийгоҳлар рўйхати тасдиқланди

Узбекистан 11 май 9:39 1 994

Ўзбекистон Республикаси Вазирлар Маҳкамасининг 2017 йил 3 апрелдаги қарорига асосан хорижий давлатларда таълим олганлик тўғрисидаги ҳужжатларни нострификациялаш тўғридан-тўғри (махсус синовларсиз) амалга ошириладиган ҳолатлар кенгайтирилган эди. Хусусан, халқаро тан олинган ташкилотларнинг рейтингида биринчи 500 талик рўйхатига киритилган хорижий олий таълим муассасаларида таълим олган битирувчиларнинг дипломлари тўғридан-тўғри (махсус синовларсиз) нострификациялаш амалга оширилиши белгиланди.

«Xushnudbek.uz» сайтида маълум қилинишича, яқинда Олий ва ўрта махсус таълим вазирлиги ҳамда Давлат тест марказининг қўшма қарори билан шундай ОТМлар рўйхати тасдиқланди.

Қўшма қарорда учта халқаро ташкилот рейтинглари ҳисобга олиниши белгилаб қўйилди. Булар:

1) QS – Quacquarelli Symonds;

2) ARWU – The Academic Ranking of World Universities;

3) THE – Times Higher Education.

Учала халқаро ташкилот рейтингининг дастлабки 500 талик рўйхатидан бир-биридан фарқли таълим муассасалари жой олганлиги сабабли, Ўзбекистонда 500 та эмас, 712 та хорижий ОТМларнинг дипломлари махсус синовларсиз нострификацияланадиган бўлди.

Рўйхатдан жами 66 та давлатнинг олий таълим муассасалари жой олган. Энг кўп АҚШдаги олийгоҳлар киритилган – жами 157 та. Кейинги ўринларда Буюк Британия (60 та), Германия (48 та), Хитой (45 та), Италия (35 та), Франция (32 та), Австралия (30 та), Япония (21 та), Канада (21 та), Жанубий Корея (16 та), Испания (16 та) давлатларининг олийгоҳлари ўрин эгаллаган.

Россиянинг 13 та таълим муассасасининг дипломи тўғридан-тўғри нострификацияланиши белгиланди. Булар:

1-Э.Бауман номидаги Москва давлат техника университети
2-«Олий иқтисодиёт мактаби» миллий тадқиқот университети
3-Санкт-Петербург ИТМО университети
4-Қозон федерал университети
5-Ломоносов номидаги Москва давлат университети
6-Москва давлат физика-техника институти (давлат университети)
7-Москва давлат халқаро муносабатлар институти («МГИМО»)
8-Миллий ядровий тадқиқотлар университети («МИФИ»)
9-Новосибирск давлат университети
10-Санкт-Петербург политехника университети
11-Санкт-Петербург давлат университети
12-Томск давлат университети
13-Томск политехника университети

Шунингдек, Қозоғистоннинг 3 та олийгоҳи ушбу рўйхатга киритилди. Булар:

1-Ал-Фаробий номидаги қозоқ миллий университети
2-Сатпаев номидаги қозоқ миллий техника университети
3-Гумилёв номидаги Евроосиё миллий университети

Сайтда ушбу рўйхат билан тўлиқ танишиш мумкин.

ASR.UZ нинг TELEGRAMдаги каналига қўшилинг ва сўнгги янгиликларни ўтказиб юборманг
  • Assakomu alaykum men Moskivaning Moskoviskiy finansiviy promishliniy universtet SYNERGY da ekonmika fakultetini 1-kursda o’qiyman universitet negosudarstivniy lekin akridatsiyasi bor diplom gosudarstivniy berisharkan Evropiskiy diplom va Rossiyskiy diplom berisharkan men zaochni vecherniyada o’qiyman buyirni bitirgach dipolmi O’zbekistonda o’tadimi yani bu diplom bilan ishlasam bo’ladimi? shu savol xavotirga solyapti xozirdan iltimos javob bervosalariz….

Изоҳ билдириш