«Лукойл» Россиядаги АЁҚШларини сотиш фикридан қайтди

Иқтисод 18 апрель 15:05 339

«Лукойл» компанияси Россиядаги АЁҚШларини сотмайди, балки уларни модернизация қилади. Бу ҳақида компания раҳбари Вагит Алекперов маълум қилди.

«Биз барча АЁҚШларимизни сотишимиз ҳақида хабар тарқади. 10 йиллик стратегияни ишлаб чиқишда бизнинг стратеглар АЁҚШлар тармоғимизни сотишни таклиф қилишди, бироқ бошқарув бунга рози бўлмади», деб айтди Алекперов Россия президенти Владимир Путин билан учрашувда.

У «Лукойл» барча АЁҚШларини модернизация қилишини маълум қилди.

Алекперовнинг айтишича, компания бир қатор давлатлар: Украина, Литва, Эстония, Латвия ва Польшадаги активларини сотмоқда, бошқа давлатларда, мисол Нидерландия ва Бельгияда эса аксинча, фаолиятини кенгайтирмоқда. Алекперовнинг таъкидлашича, Россияда компаниянинг 3 мингга яқин АЁҚШи фаолият юритади.

Эслатиб ўтамиз, Лукойл АЁКШ ларининг бир қисмини узоқ муддатли инвесторларга сотмоқчи бўлган эди.