iPhone​ учун протсессорлар ишлаб чиқарувчи TSMC​ компанияси Apple’​нинг янги смартфонида экранга ўрнатилган бармоқ излари сканери пайдо бўлишини тасдиқлади. Бу ҳақида Убергизмо портали хабар берди.

Тайбейда ўтган TSMC 2017 NA Technology Symposium​ конференциясида компания вакиллари янги iPhone’​даги асосий ўзгаришлар ҳақида гапириб берди.

Янгиликлардан бири одатий Home​ тугмасининг олиб ташланишидир. Илгари Touch ID​ орқа қопқоқда жойлаштирилиши тахмин қилинган эди. Эндиликда бунинг ўрнига Apple​ бармоқ изларини дисплейнинг ҳар қандай қисмида оптик дактилоскопик сенсор ёрдамида аниқлайдиган тизимни жорий қилишни режалаштирмоқда.