Воқеа жойига 5та ёнғин ўчириш экипажлари жалб этилган. Ёнғин ўчириш бўлинмалари воқеа жойига соат 04:03да етиб борган. Ёнғин соат 04:19да тўлиқ бартараф этилган. Натижада ёнғиндан мажмуанинг 750 кв.метр майдони сақлаб қолинган.
Ёнғин оқибатида мажмуанинг 1-қаватидаги 30 кв.метр майдонда савдо растаси ва 3 дона музлатгич ёниб зарарланган. Ёнғиннинг тахминий сабаби мажмуадаги музлатгичнинг электр симларида қисқа туташув содир бўлганлиги. Моддий зарар миқдори аниқланмоқда.