52846

Путин ва Ким Чен Ын қачон ва қаерда учрашиши маълум бўлди

Дунё 23 апрель 13:31 494

Россия президенти Владимир Путин ва Шимолий Корея раҳбари Ким Чен Ын 25 апрел куни Узоқ Шарқ Федерал университетида (УШФУ) учрашади, деб хабар қилмоқда Россия ОАВлари.

Хабарда айтилишига кўра, КХДР етакчиси Россия ҳудудига 24 апрел чоршанба куни зирҳланган поездда кириб келади. У билан бирга 230 кишидан иборат делегация ҳам Россияга ташриф буюради. Ким Чен Ын УШФУ кампусидаги люкс хоналардан бирида жойлашади.

Пайшанба куни икки давлат раҳбарларининг музокаралари бўлиб ўтади. Шундан сўнг Владимир Путин Пекинга “Белбоғ ва йўл” ташаббусида иштирок этиш учун йўл олади.

Ким Чен Ын эса Владивостокда қолиб, у ернинг диққатга эътибор жойларини томоша қилади.

Эслатиб ўтамиз, Шимолий Корея етакчисининг отаси Ким Чен Ир ҳам 2002 йилда Владивостокка зирҳланган поездда ташриф буюрган ва шаҳарни томоша қилган эди.

Душанба куни Корея Марказий телеграф агентлиги Ким Чен Ын яқин орада Россияга ташриф буюришини хабар қилган эди. Лекин  ахборот агентлиги ташрифнинг аниқ санасини келтириб ўтмаган.

Изоҳ билдириш