52763

Рашид Қодировнинг суд жараёни тафсилотлари ошкор этилмаётгани сабаби маълум бўлди (видео)

Айни кунларда Тошкент шаҳар жиноят ишлари бўйича судида собиқ Бош прокурор Рашид Қодиров устидан суд мажлиси бўлиб ўтмоқда. Мазкур жиноят иши тафсилотлари ошкор этилмаётгани сабаби маълум қилинди, дея хабар берилди «Zamon» информацион дастурида.

«Жиноят иши доирасида 13 киши судга берилган. Уларга ҳам фирибгарлик, пора бериш, пора олиш, айбсиз кишини жавобгарликка тортиш сингари айбловлар қўйилган. Жиноят иши ўта мураккаб, кўп воқеали бўлгани учун уни кўриб чиқиш муддати 4 ойгача узайтирилган. Улгурмадик, сўроқ қилинадиган шахслар, текширилиши керак бўлган ҳолатлар жуда кўп. Суд тергови якуни бўйича қонуний қарор қабул қилинади ва бу ҳақда ОАВ орқали хабар берилади, дея таъкидлади Тошкент шаҳар жиноят ишлари бўйича суди судьяси Бахтиёр Исомов.