51981

Тошкентда уч фуқаро оддий дори воситаларидан заҳарланди

Тиббиёт 26 март 10:07 1 251

23 март куни кечки вақтда 37 ёшли Шаҳноза О. исмли фуқаро доридан заҳарланиш натижасида шифохонага ётқизилди. Тошкент шаҳар ИИББ матбуот хизматининг маълум қилишича, фуқаро оддий ”Тримол” таблеткасидан 3 донасини истеъмол қилган ва шундан сўнг ўзини ёмон ҳис этгани сабабли шифокорларга мурожаат қилган.

24 март куни тонгда худди шундай муаммо билан Элёр Т. исмли фуқаро ҳам шифокорларга мурожаат этган. Ёш йигит ўзини ёмон ҳис қилган ва уни олдини олиш учун дорихонадан препарат сотиб олиб ичган. Аммо у айнан қандай дори воситасини истеъмол қилганини аниқ айта олмаган.

Шу куни тушга яқин 34 ёшли Гулнора Б. ҳам доридан заҳарланиб касалхонага ётқизилган. Маълум бўлишича, аёл бир вақтнинг ўзида “Парацетамол” ва “Диазолин” дориларини истеъмол қилган.

ИИББ фуқаролардан дори препаратларини истеъмол қилишда фақатгина шифокор кўрсатмаси билан иш тутишни ва ўзини-ўзи даволашга уринмасликни сўраб мурожаат қилган.

Изоҳ билдириш